ანდერს ფოგ რასმუსენი - უკრაინამ ეს ომი უნდა მოიგოს, რადგან თუ პუტინი უკრაინაში გაიმარჯვებს, ის არ გაჩერდება, გააგრძელებს მოლდოვაში, საქართველოში

ჩვენ შეცდომა მრავალი წლის წინ დავუშვით. პირველი შეცდომა იყო 2008 წელს, სადაც ჩვენ გადავწყვიტეთ, რომ უკრაინა და საქართველო ნატო-ს წევრები გახდებოდნენ, მაგრამ ჩვენ ვერ შევთანხმდით მათთვის ე.წ. წევრობის სამოქმედო გეგმის მინიჭებაზე, - ამის შესახებ ნატო-ს ყოფილმა გენერალურმა მდივანმა ანდერს ფოგ რასმუსენმა Foreign Policy-სთვის მიცემულ ინტერვიუში განაცხადა.

ემანუელ მაკრონის მიერ გაკეთებულ განცხადებაზე, რომ პუტინი არ უნდა „დავამციროთ“, ნატო-ს ყოფილმა გენერალურმა მდივანმა ანდერს ფოგ რასმუსენმა განაცხადა, რომ ამ მოსაზრებას არ ეთანხმება.

„არა, სრულიად არ ვეთანხმები. პუტინს დამცირებისგან ვერ ვიხსნით. პუტინისთვის სახის შენარჩუნების ფასი გაცილებით მაღალი იქნება, ვიდრე უკრაინაში რუსული ჯარების დამარცხება. ამიტომ ჩემი დასკვნა არის ის, რომ უკრაინამ ეს ომი უნდა მოიგოს, რადგან თუ პუტინი უკრაინაში გაიმარჯვებს, ის არ გაჩერდება. ის გააგრძელებს მოლდოვაში, საქართველოში და საბოლოოდ ბალტიისპირეთის სამ ქვეყანაზე ზეწოლას მოახდენს. ამიტომ უკრაინელებმა უნდა გაიმარჯვონ. მათ აქვს ბრძოლის ნება და ჩვენი ვალია, მივცეთ მათ ბრძოლის საშუალება“, - განაცხადა რასმუსენმა.

რაც შეეხება ნატო-ში გაწევრიანებას, კითხვაზე, დაუშვა თუ არა ნატო-მ შეცდომა, როდესაც უფრო ადრე არ მიიღო უკრაინა ალიანსში, ნატო-ს ყოფილმა მდივანმა აღნიშნა, რომ პირველი შეცდომა მათ 2008 წელს დაუშვეს, უკრაინისა და საქართველოსთვის ალიანსში გაწევრიანების სამოქმედო გეგმაზე ვერ შეთანხმდნენ.

„ჩვენ შეცდომა მრავალი წლის წინ დავუშვით. პირველი შეცდომა იყო 2008 წელს, როდესაც ჩვენ ნატო-ს სამიტი გვქონდა ბუქარესტში, სადაც ჩვენ გადავწყვიტეთ, რომ უკრაინა და საქართველო ნატო-ს წევრები გახდებოდნენ, მაგრამ ჩვენ ვერ შევთანხმდით მათთვის ე.წ. წევრობის სამოქმედო გეგმის მინიჭებაზე და ნატო-ს გაყოფამ პუტინს არასწორი მესიჯი გაუგზავნა, რომელიც რამდენიმე თვეში საქართველოს თავს დაესხა 2008 წლის აგვისტოში“, -აღნიშნა რასმუსენმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის