მეუფე სტეფანე უკრაინაში დაღუპულ გიორგი გრიგოლიაზე - თავი დადო საქართველოსთვის და უკრაინისთვის და ღმერთმა ნათელში ამყოფოს

ჭყონდიდის მიტროპოლიტმა მეუფე სტეფანე კალაიჯიშვილმა უკრაინაში დაღუპულ მებრძოლს გიორგი გრიგოლიას ხსოვნას პატივი მიაგო. მეუფემ დაღუპული მებრძოლის სულის მოსახსენიებლად აბაშის საკათედრო ტაძარში პარაკლისი აღავლინა. მან მებრძოლის ოჯახის წევრებს მიუსამძიმრა და აღნიშნა, რომ მეომარმა ორი ქვეყნის თავისუფლებისთვის ბრძოლას შესწირა თავი.

„ამ პიროვნებამ თავი დადო საქართველოსთვის და უკრაინისთვის და ღმერთმა ნათელში ამყოფოს. ეს არ არის უბრალოდ ბრძოლა, ეს არის შორს მიმავალი განზრახვები და უფალი შეეწიოს”, - განაცხადა მიტროპოლიტმა.

აბაშის საკათედრო ტაძარში დაღუპული მებრძოლის სამოქალაქო პანაშვიდი მიმდინარეობს. მას ხვალ სამხედრო პატივით დაკრძალავენ.