ნავთობის უმსხვილესმა მწარმოებლებმა, ირანმა და ვენესუელამ თეირანში, 20-წლიანი თანამშრომლობის გეგმას ხელი მოაწერეს.
ქვეყნები აშშ-ის სანქციებს ებრძვიან, რომლებიც მათი ნავთობის ექსპორტს აფერხებს. ამის შესახებ ინფორმაციას სააგენტო Reuters-ი ავრცელებს.
მედიის ცნობით, ხელმოწერის ცერემონიას ირანის პრეზიდენტი იბრაჰიმ რაისი და მისი ვენესუელელი კოლეგა ნიკოლას მადურო ესწრებოდნენ. აღნიშნული თანამშრომლობის გეგმა ნავთობის, ნავთობქიმიკატების, თავდაცვის, სოფლის მეურნეობის, ტურიზმისა და კულტურის სფეროებში თანამშრომლობას მოიცავს. გეგმას ხელი ქვეყნების საგარეო საქმეთა მინისტრებმა მოაწერეს.