იაპონია უახლოეს მომავალში ოდესაში 33 პორტატულ წყლის გამწმენდ მოწყობილობას გაგზავნის. ამის შესახებ უკრაინის ელჩმა იაპონიაში, სერგი კორსუნსკიმ "ფეისბუქზე" განაცხადა.
"უახლოეს მომავალში ოდესაში გაიგზავნება წყლის გამწმენდი 33 პორტატული მოწყობილობა. ჩვენ ოდესას ვთხოვთ, იგი მიკოლაევს გაუზიაროს. მე მინდა დავიჯერო, რომ ისინი საჭირო არ გახდება, მაგრამ ჩვენ ის, ყოველი შემთხვევისთვის უნდა გვქონდეს", - წერს კორსუნსკი.
ამასთან, დიპლომატმა იაპონიის ოფიციალურ პირებს, რომლებიც საელჩოს თხოვნას გამოეხმაურნენ, მადლობა გადაუხადა.