ჩინეთი აცხადებს, რომ ბოლომდე იბრძოლებს ტაივანის დამოუკიდებლობის გამოცხადების შესაჩერებლად

ჩინეთი ბოლომდე იბრძოლებს ტაივანის დამოუკიდებლობის გამოცხადების შესაჩერებლად , - ამის შესახებ ჩინეთის თავდაცვის მინისტრმა ვეი ფენმა, სინგაპურში მიმდინარე უსაფრთხოების სამიტზე გამოსვლისას განაცხადა, რომელსაც სხვა ქვეყნის თავდაცვის უწყების ხელმძღვანელებიც ესწრებოდნენ, მათ შორის ამერიკის შეერთებული შტატების თავდაცვის მდივანი ლოიდ ოსტინი.

„ჩვენ ვიბრძოლებთ ნებისმიერ ფასად და ვიბრძოლებთ ბოლომდე. ეს ჩინეთის ერთადერთი არჩევანია. მათ, ვინც ჩინეთის გაყოფის მცდელობით ტაივანის დამოუკიდებლობას ესწრაფვიან, ნამდვილად არ ექნებათ კარგი დასასრული. სათანადოდ უნდა შეაფასოთ ჩინეთის შეიარაღებული ძალების გაბედულება და უნარი დაიცვას თავისი ტერიტორიული მთლიანობა“, - აღნიშნა ვეი ფენმა.

როგორც მედია წერს, ჩინეთის თავდაცვის მინისტრმა აღნიშნული განცხადება მას შემდეგ გააკეთა, რაც აშშ-ს თავდაცვის მდივანმა ლოიდ ოსტინმა ჩინეთი ტაივანის კუნძულთან ახლოს პროვოკაციულ და დესტაბილიზაციის გამომწვევ სამხედრო აქტივობაში დაადანაშაულა.

ტაივანის საგარეო საქმეთა სამინისტრომ მისი სუვერენიტეტის შესახებ ოფიციალური ბეიჯინგის განცხადებები დაგმო და მას "აბსურდი" უწოდა.

უწყების წარმომადგენელმა მადლობა გადაუხადა აშშ-ს მხარდაჭერისთვის.

„ტაივანი არასოდეს ყოფილა ჩინეთის მთავრობის იურისდიქციის ქვეშ და ტაივანელი ხალხი არ დანებდება ჩინეთის მთავრობიდან მომდინარე ძალის მუქარას“, - თქვა ტაივანის საგარეო საქმეთა სამინისტროს პრესსპიკერმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა