გურამ მაჭარაშვილი - კელი დეგნანმა იმიტომ ჩათვალა საჭიროდ განცხადების გაკეთება, რომ დაინახა სხვადასხვა პოლიტიკოსების მოწოდება, რომ ომში უნდა ჩათრეულიყო საქართველო და კარგია, რომ დააფიქსირა აშშ-ის პოზიცია

იმის თქმა, რომ საქართველოში არადემოკრატიული პროცესებია, არამხოლოდ უსამართლობა, არამედ შეურაცხყოფაა და ამას ხედავს ხალხი- მათ აქვთ სურვილი, დაიცვან საკუთარი ქვეყნის ღირსება და უპასუხონ ისე ნებისმიერ რეზოლუციას თუ განცხადებას, როგორც ამას მოითხოვს საკუთარი ქვეყნის ინტერესები, - ამის შესახებ საპარლამენტო უმრავლესობის წევრმა გურამ მაჭარაშვილმა "გორბის" კვლევის კომენტირებისას განაცხადა.

მისივე თქმით, საჯაროდ არის გაცხადებული ქვეყნის შიგნით და ქვეყნის გარეთ, თუ ვის სურს საქართველოში მეორე ფრონტის გახსნა, ვის არ სურს და "სამკითხაოც აღარაფერია."

"კითხვის ფორმულირება როგორიც არ უნდა იყოს საზოგადოებას აქვს პოზიცია და ხედავს, რომ საქართველოს ინტერესების საწინააღმდეგოდ ხდება არამხოლოდ ქვეყანაში არამედ ქვეყნის გარეთაც გარკვეული ტიპის გადაწყვეტილებების მიღება. აქედან გამომდინარეობს მათი განწყობა, რომ სურთ დაიცვან ქვეყნის სუვერენიტეტი და ეროვნული ინტერესები,"- განაცხადა მაჭარაშვილმა.

ის ასევე გამოეხმაურა კელი დეგნანის განცხადებას, რომლის თანახმად 100 პროცენტით რუსული დეზინფორმაციაა, რომ აშშ- ს სურს საქართველო ომში ჩაითრიოს და აღნიშნა, რომ კელი დეგნანს ეთანხმება, თუმცა, ამ რუსულ პროპაგანდას ხელი არ უნდა შეუწყოს კანდიდატის სტატუსის არმიცემამ. ამასთან, მაჭარაშვილი განმარტავს, რომ ომზე საუბარი არა მათ, არამედ საქართველოში ოპოზიციამ და უკრაინაში პრეზიდენტის მრჩეველმა ოლექსი არესტოვიჩმა დაიწყო.

"ომზე ჩვენ როგორ ვსაუბრობთ?! გამოდიან პოლიტიკოსები საქართველოში თუ ფარგლებს გარეთ, რომლებიც პირდაპირ მოგვიწოდებენ, რომ მხოლოდ ჩვენი ბავშვები და ქალები არ უნდა დაიხოცონ, პირდაპირ გეუბნებიან ჩაერთეთ ომში, დაიბრუნეთ აფხაზეთი, სააკაშვილი რომ იყოს ომს დაიწყებდა. ომზე ჩვენ კი არ დავიწყეთ საუბარი, დაიწყო მავანმა, მავანი ვინ არის და არესტოვიჩი და ბევრი სხვა და საქართველოში აჰყვა რადიკალური ოპოზიციის ბევრი წარმომადგენელი. კელი დეგნანმა იმიტომ ჩათვალა საჭიროდ ამ განცხადების გაკეთება, რომ დაინახა სხვადასხვა პოლიტიკოსების მოწოდება, რომ ომში უნდა ჩათრეულიყო საქართველო და კარგია, რომ დააფიქსირა აშშ- ის პოზიცია, რომ რუსული პროპაგანდაა ის, რომ საქართველოში მეორე ფრონტის გახსნა უნდათ, -განაცხადა მაჭარაშვილმა.

„როცა მესმის ხალხის ნათქვამი, რომ შეერთებული შტატები საქართველოს წინააღმდეგ მუშაობს, საქართველოს ომში ჩათრევას ან მეორე ფრონტის გახსნას ცდილობს, ეს არის 100%-ით რუსული დეზინფორმაცია, ეს აბსოლუტურად არ შეესაბამება სიმართლეს“ , - განაცხადა საქართველოში ამერიკის შეერთებული შტატების ელჩმა კელი დეგნანმა. მისი თქმით, შეერთებულმა შტატებმა, საკუთარი შესაძლებლობების ფარგლებში, ყველაფერი გააკეთა ამ ომის შესაჩერებლად.

ელჩის თქმით, საომარი მოქმედებების დაწყებამდეც კი, ამერიკის შეერთებული შტატები იყო ქვეყანა, რომელიც ყველაზე მეტად მუშაობდა ამ ომის თავიდან ასაცილებლად.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს