დიდი იმედი მაქვს, რომ ყველანი ერთად ვიდგებით უმნიშვნელოვანეს გზაზე. მე ამ გზისთვის ჩამოვედი საქართველოში, ამ გზის გამო წავიდნენ ჩემი წინაპრები. მიზანი ის კი არ არის, რომ მეტი ქართველი წავიდეს ევროპაში, ან როგორც ზოგი ოცნებობს, მეც გადავდგე და წავიდე პარიზში, მიზანია ყველამ ერთად ვიცხოვროთ იმ ოცნების საქართველოში, რომელიც იქნება ევროპულიც და ძალიან ქართულიც, - ამის შესახებ საქართველოს პრეზიდენტმა სალომე ზურაბიშვილმა პრეზიდენტის სასახლეში გამართულ ბრიფინგზე განაცხადა.
მისივე თქმით, ვინც იქნება პასუხისმგებელი იმაზე, რომ საქართველო ახალ საფეხურზე აიყვანოს, პოლიტიკური მომავლის გამყარებას და ხალხის მადლიერებას დაიმსახურებს.
„დღეს სხვანაირად დგას საკითხი, ვინც იქნება პასუხისმგებელი იმაზე, რომ საქართველოს ახალ საფეხურზე აიყვანს, ის დაიმსახურებს ხალხის მადლიერებას და პოლიტიკური მომავლის გამყარებას. დიდი იმედი მაქვს, რომ ყველანი ერთად ვიდგებით უმნიშვნელოვანეს გზაზე. მე ამ გზისთვის ჩამოვედი საქართველოში, ამ გზის გამო წავიდნენ ჩემი წინაპრები და მიზანი ის კი არ არის, რომ მეტი ქართველი წავიდეს ევროპაში, ან როგორც ზოგი ოცნებობს მეც გადავდგე და წავიდე პარიზში. მიზანია ყველამ ერთად ვიცხოვროთ იმ ოცნების საქართველოში, რომელიც იქნება ევროპულიც და ძალიან ქართულიც“, - აღნიშნა სალომე ზურაბიშვილმა.