ირაკლი კობახიძე - კანდიდატის სტატუსი პრაქტიკული თვალსაზრისით არაფერს იძლევა - თითქოს ფულს ნიშნავს, ბავშვები წავლენ განათლების მისაღებად, სრული ტყუილია

თვითონ კანდიდატის სტატუსი, როგორც ასეთი, პრაქტიკული თვალსაზრისით არაფერს იძლევა, - ამის შესახებ „ქართული ოცნების“ თავმჯდომარე ირაკლი კობახიძემ „პალიტრანიუსის“ გადაცემა „პოლიტიკურ სივრცეში“ განაცხადა.

კობახიძის მტკიცებით, კანდიდატის სტატუსთან არც „მეტი ფული“ არ არის დაკავშირებული და არც ევროკავშირში გაწევრიანების ვადის კუთხით არაფერი იცვლება.

„თვითონ კანდიდატის სტატუსი როგორც ასეთი პრაქტიკული თვალსაზრისით არაფერს არ იძლევა, ჩვენ ამაზე გვქონდა განმარტება, არცერთი ევროთი მეტს არ გაძლევენ, კანდიდატის სტატუსთან მეტი ფული არ არის დაკავშირებული, ვალდებულება არ უჩნდება ევროკავშირს. ვადების კუთხითაც არანაირად არ იცვლება შენი პერსპექტივა, ისევ 5 წელიწადში 10 თუ 15 წელიწადში მოგანიჭებენ წევრის სტატუსს, არანაირად არ არის დამოკიდებული იმაზე, თუ როდის გახდი კანდიდატი. პრაქტიკული კუთხით რეალურად არაფერი იცვლება. ამაზე ტყუილები ისმის „ნაცმოძრაობის“ არხებზე, ამბობენ, რომ თითქოს ფულს ნიშნავს, ბავშვები წავლენ განათლების მისაღებად, სრული ტყუილია, არაფერი მეტი არ გეძლევა“, - განაცხადა ირაკლი კობახიძემ.

ირაკლი კობახიძემ გადაცემაში საქართველოს „ომში ჩათრევის" მცდელობასთან დაკავშირებითაც გააკეთა განმარტება და უპასუხა კითხვას, „ეთანხმებით თუ არა მოსაზრებას, რომ დასავლეთი ცდილობს, ჩვენს ომში ჩართვას?“ .

მისი თქმით, „ქართულ ოცნებას“ არასდროს უთქვამს, რომ დასავლეთი ითხოვდა საქართველოსგან ომის დაწყებას, თუმცა „სუბიექტური ინტერესი შესაძლოა არსებობდეს“.

„მე ერთი ვთქვი და ძალიან ზოგადად ვიტყვი ახლაც. რა თქმა უნდა, სუბიექტური ინტერესი ამ კუთხით შეიძლება არსებობდეს. რა კუთხით: რა თქმა უნდა, საქართველოს ჩართვა ომში, მეორე ფრონტის ჩართვა, რუსეთს ვითარებას გაურთულებს, ახლა არ აქვს სათანადოდ გართულებული ვითარება უკრაინაში. მძიმედ მიდის პროცესები სევეროდონეცკში, გადავლენ ლისიჩანსკზე და ა.შ. შეიძლება ამით დასრულდეს ომი და ასე თუ მოხდა, რომ დონეცკის ოლქი აიღო და რუსეთი გაჩერდა, ეს არის რა თქმა უნდა, რუსეთის გამარჯვება, რადგან ექნება უკრაინის 22-23% ოკუპირებული. მთელი აზოვის ზღვა წაღებული და ა.შ. ასეთ დროს, რა თქმა უნდა, საქართველოში მეორე ფრონტის გახსნა იქნებოდა შვება ამ კუთხით, შესაბამისად, ვერავის ვერ გაამტყუნებ ამ კუთხით. ვერავის ვერ გავამტყუნებთ, რომ ეს სუბიექტური ინტერესი შეიძლება არსებობდეს და ასეთ დროს შეიძლება პარტნიორებთან რაღაც უხერხულობები შეგვექმნას. ვისაც უნდა უკრაინაში რუსეთის დამარცხება, ყველაზე მაქვს საუბარი. სუბიექტურ ინტერესებზე მაქვს საუბარი და არა მოთხოვნაზე, შეიძლება არსებობდეს ასეთი სუბიექტური ინტერესი, მაგრამ კიდევ ერთხელ ვამბობ, არავითარ მოთხოვნაზე არ მაქვს საუბარი. შეიძლება ქვეცნობიერში იყო მოლოდინი, რომ აქაც წავიდოდა ეს აქტივობა და მოწოდებები იყო ძალიან აქტიურად პირველი ერთი თვის განმავლობაში“, - განაცხადა ირაკლი კობახიძე.

კობახიძის განმარტებით, „ნაცმოძრაობასთან“ დაკავშირებული პირები საუბრობენ, „თითქოს „ოცნება“ საუბრობს იმაზე, რომ ჩვენგან ითხოვდა დასავლეთი ომის დაწყებას, მაშინ, როდესაც ჩვენ ასეთი რამ არასდროს გვითქვამს”.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია