ბავშვები, რომლებიც ხერსონის ოლქში 24 თებერვლის შემდეგ დაიბადნენ, რუსეთის მოქალაქეობას ავტომატურად მიიღებენ, - მედიის ინფორმაციით, ამის შესახებ რუსეთის მიერ დანიშნული ე.წ. „სამხედრო-სამოქალაქო ადმინისტრაციის ხელმძღვანელის მოადგილემ“, კირილ სტრემუსოვმა განაცხადა.

„ხერსონის ოლქში 24 თებერვლის შემდეგ დაბადებული ბავშვები ავტომატურად მიიღებენ რუსეთის ფედერაციის მოქალაქეობას. გარდა ამისა, ობლები ასევე დარეგისტრირდებიან რუსეთის ფედერაციის მოქალაქეებად,“ - განაცხადა კირილ სტრემუსოვმა.

რუსეთის მიერ დანიშნული ე.წ. ადმინისტრაციის წარმომადგენელმა გუშინ გაავრცელა ინფორმაცია, რომ რუსეთის მოქალაქეობის მისაღებად განაცხადი ათასობით მოქალაქემ შეიტანა.