გვსურს, გამოვხატოთ მხარდაჭერა უკრაინისა და უკრაინის მოქალაქეების მიმართ, - „დოიჩე ველეს“ ინფორმაციით, ამის შესახებ გერმანიის კანცლერმა, ოლაფ შოლცმა განაცხადა, რომელიც საფრანგეთისა და იტალიის ლიდერებთან ერთად დღეს კიევში ჩავიდა.

ამასთან, მისი თქმით, სამი ქვეყნის ლიდერებს კიევში ვიზიტით არა მხოლოდ სოლიდარობის დემონსტრირება სურთ, არამედ უკრაინელების იმაში დარწმუნებაც, რომ მათი დახმარება გაგრძელდება.

„ჩვენ არა მხოლოდ სოლიდარობის დემონსტრირება გვსურს, არამედ იმაში დარწმუნებაც, რომ დახმარება, რომელსაც ორგანიზებას ვუწევთ - ფინანსური და ჰუმანიტარული, ასევე როდესაც საქმე ეხება იარაღს - გაგრძელდება,” - განაცხადა ოლაფ შოლცმა.

მისი თქმით, მხარდაჭერა გაგრძელდება მანამ, სანამ საჭირო იქნება.