ლატვიის თავდაცვის მინისტრი - საქართველოსთვის საფრთხე არ გამქრალა, ყველა ქვეყანა, რომელიც ახლოს მდებარეობს რუსეთთან, პოტენციური საფრთხის ქვეშაა

მნიშვნელოვანია საქმე და არა სიტყვები. 2008 წელს რომ სწორი რეაგირება გვქონოდა, რუსეთის საქართველოში შეჭრის დროს, არ იქნებოდა 2014 წელს ყირიმში შეჭრა და 2014 წელს რომ სწორად გვემოქმედა, არ იქნებოდა 2022 წლის შეჭრა, - ამის შესახებ ლატვიის თავდაცვის მინისტრმა, არტის პაბრიკსმა ბრიუსელში განაცხადა, სადაც ნატო-ს თავდაცვის მინისტერიალი იმართება.

„საკითხავია, ვიმოქმედებთ ახლა სწორად, რათა თავიდან ავიცილოთ შემდგომი ომი ეს ძირითადად იმას ნიშნავს, რომ ჩვენ გვჭირდება წინასწარ მეტი ძალების განთავსება ისეთ ქვეყნებში, როგორიცაა ბალტიის ქვეყნები. უნდა იყოს შეიარაღება, დასავლეთის ეკონომიკური ბერკეტები უკრაინის დასახმარებლად უნდა იქნას გამოყენებული, რადგან უკრაინამ უნდა გაიმარჯვოს და რუსეთი უნდა დამარცხდეს. აქედან სხვა გამოსავალი არ არსებობს. ჩვენ გვჭირდება არა მხოლოდ ლამაზი სიტყვები, ჩვენ ასევე გვსურს კარგი დოკუმენტები და დაპირებები, რომლებიც დაგვეხმარება“, - აღნიშნა ლატვიის თავდაცვის უწყების ხელმძღვანელმა.

არტის პაბრიკსმა საქართველოზე საუბრისას აღნიშნა, რომ ქვეყნისთვის რუსეთიდან მომდინარე საფრთხე არ გამქრალა.

„საქართველოსთვის საფრთხე არ გამქრალა. ეს ძალიან მკაფიოა. ყველა ქვეყანა, რომელიც ახლოს მდებარეობს რუსეთთან პოტენციური საფრთხის ქვეშაა. სწორედ ამიტომაა, რომ ისეთი ქვეყნები, როგორიცაა ფინეთი და შვედეთი წევრიანდებიან ნატო-ში. ისინი აცნობიერებენ, რომ საფრთხის ქვეშ არიან,”- აღნიშნა ლატვიის თავდაცვის მინისტრმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა