რუსეთი სევეროდონეცკში მდებარე „აზოტის“ ქიმიური ქარხნიდან მშვიდობიანი მოქალაქეების ევაკუაციის მიზნით დღეს ჰუმანიტარულ დერეფანს გახსნის, - ინფორმაციას რუსული მედია ავრცელებს.

ამასთან, მათივე ცნობით, ე.წ. ლუგანსკის სახალხო რესპუბლიკის ხელმძღვანელმა, ლეონიდ პასეჩნიკმა განაცხადა, რომ სეპარატისტული ძალები ქიმიურ ქარხანაში შევიდნენ, მაგრამ მათ ვერ შეძლეს იქიდან უკრაინელი მებრძოლების გაძევება.

ცნობისათვის, გაერომ BBC-ს განუცხადა, რომ „აზოტის“ ქარხნის ქვეშ ბუნკერებს ასობით მშვიდობიანი მოქალაქე აფარებს თავს, სადაც წყლისა და საკვების დეფიციტია.

ლუგანსკის ოლქის გუბერნატორმა, სერჰი გაიდაიმ დღეს განაცხადა, რომ ქალაქში 10 000-მდე მოქალაქეა ჩარჩენილი.