34-35 წლის წინანდელი ამბები მახსენდება - როცა ეროვნულ მოძრაობაში დაქსაქსულობა დაიწყო, ერთმანეთს აქციებით ეჯიბრებოდნენ, რომელი ფლანგი უფრო ძლიერია - რაღაც ასეთი ვითარება გვაქვს ახლა, - ასე ეხმაურება ევროკავშირის წევრობის კანდიდატის სტატუსის მინიჭებასთან დაკავშირებით დაგეგმილ აქციებს უმრავლესობის დეპუტატი ირაკლი ქადაგიშვილი.

მისივე შეფასებით, აქციები მხოლოდ შიდა პოლიტიკურ მიზნებს ემსახურება და არანაირი კავშირი ევროკავშირის მიერ მისაღებ გადაწვეტილებასთან არა აქვს.

“საქართველოს პოლიტიკა ბოლო 30 წლის განმავლობაში გაცხადებულია. დაგეგმილი აქციებით შიდა პოლიტიკური დღის წესრიგის კორექტირება ხდება, ვიდრე ევროკავშირისთვის რაიმეს დამტკიცება. ევროკავშირმა საქართველოს მისწრაფება იცის. იცის რეფორმების დონე და სტანდარტებთან შესაბამისობა. საქართველო „ასოცირებული ტრიოს“ რეალური ლიდერია. თუ მართლა აქციაზეა დამოკიდებული და პოლიტიკოსების რიტორიკაა გადამწყვეტი, არ არის სერიოზული ხედვა, თუ რა არის ევროკავშირი“, - განაცხადა ირაკლი ქადაგიშვილმა.