უკრაინელი ხალხი ყოველდღე იცავს დემოკრატიისა და თავისუფლების ღირებულებებს, რომლებიც ევროპულ პროექტს, ჩვენს პროექტს ეფუძნება. ამ პროცესის გადადება არ შეიძლება , - ამის შესახებ იტალიის პრემიერ-მინისტრმა მარიო დრაგიმ კიევში გამართულ ერთობლივ პრესკონფერენციაზე განაცხადა.
მისი თქმით, იტალიას სურს, რომ უკრაინას ევროკავშირის კანდიდატის სტატუსი ჰქონდეს.
დრაგის თქმით, მომავალ კვირას მხარს დაუჭერს ამ პოზიციას ევროპული საბჭოს სხდომაზე.
იტალიის მთავრობის მეთაურმა აღნიშნა, რომ მის ქვეყანას უკრაინაში კონფლიქტის დასრულება სურს, მაგრამ „ნებისმიერი დიპლომატიური გადაწყვეტა არ შეიძლება კიევის ნებისგან იყოს განცალკევებული“.