მოლდოვამ ევროკომისიისგან ევროკავშირის წევრობის კანდიდატის სტატუსის შესახებ რეკომენდაცია მიიღო. აღნიშნულის შესახებ ევროკომისიის პრეზიდენტმა ურსულა ფონ დერ ლაიენმა ბრიუსელში, რამდენიმე წუთის წინ გამართულ ბრიფინგზე განაცახადა.
როგორც მან აღნიშნა, მოლდოვას მნიშვნელოვანი რეფორმები ექნება განსახორციელებელი და თუ ლიდერები სწორ გზაზე დარჩებიან, ქვეყანას აქვს პერსპექტივა, რომ ეს მოთხოვნები დააკმაყოფილოს.
„მოლდოვის შემთხვევაში ჩვენი შეფასება იმავე მიმართულებით წავიდა როგორიც უკრაინის შემთხვევაში იყო, აქაც ვიძლევით რეკომენდაციას, რომ მოლდოვას მიენიჭოს კანდიდატის სტატუსი. მათ ექნებათ განსახორციელებელი მნიშვნელოვანი რეფორმები, ახლო წარსულში მოლდოვამ გადამწყვეტი ნაბიჯები გადადადგა რეფორმების მიმართულებით, მკაფიო მანდატი ჰქონდა მინიჭებული მოსახლეობის მხრიდან. ეს არის პრორეფორმული, ანტიკორუფციული და პროევროპული მომავალი, რომელიც დამოუკიდებლობის დღიდან დღემდე გამოიკვეთა. დიდი დრო აქვს დარჩენილი მოლდოვას განსაკუთრებით საჯარო ადმინისტრირების სფეროში, მნიშვნელოვანი გაუმჯობესება არის საჭირო, მაგრამ იმ შემთხვევაში, თუ ლიდერები სწორ გზაზე დარჩებიან, ქვეყანას აქვს პერსპექტივა, რომ ეს მოთხოვნები დააკმაყოფილოს“, - აღნიშნა ურსულა ფონ დერ ლაიენმა.