ირაკლი კობახიძე პოლონეთის პარლამენტის ვიცე-სპიკერზე - ეს ქალბატონი ვინ არის და რა კავშირები აქვს წინა ხელისუფლებასთან, კარგად ვიცით - წესით, ეს პრეზიდენტმაც უნდა იცოდეს, გაუგებარია, რატომ გახდა მისი მოწვევა საჭირო
ეს ქალბატონი ვინ არის, კარგად ვიცით ყველამ და რა კავშირები აქვს წინა ხელისუფლებასთან, ეს წესით პრეზიდენტმაც უნდა იცოდეს, გაუგებარია, რატომ გახდა მისი მოწვევა საჭირო, - ასე ეხმიანება პოლონეთის პარლამენტის ვიცე-სპიკერის მოწვევას საქართველოში პარტია „ქართული ოცნების“ თავმჯდომარე ირაკლი კობახიძემ.
მისივე თქმით, მისი მოწვევა ქვეყანაში დღეს, კითხვებს აჩენს.
„ეს ქალბატონი ვინ არის, კარგად იცის აბსოლუტურად ყველამ. რა კავშირები აქვს წინა ხელისუფლებასთან, დეტალებში ვიცით ეს ყველაფერი და რა მოტივაცია აქვს, როცა ასეთ აბსურდულ განცხადებებს აკეთებს, ესეც ძალიან კარგად ვიცით. წესით ეს პრეზიდენტმაც უნდა იცოდეს, აქედან გამომდინარე, რბილად რომ ვთქვათ, გაუგებარია, რატომ გახდა მისი მოწვევა საჭირო დღევანდელ დღეს საქართველოში. ეს სერიოზულ კითხვებს აჩენს, ისეთივეს, როგორიც გააჩინა მაგალითად, ქალბატონი სალომეს ბრიფინგმა რამდენიმე დღის წინ,“- განაცხადა კობახიძემ.
