არ არის არც ჩემი როლი და არც ჩემი ჩვევა, რომ დავესწრო სხვადასხვა სახის გამოსვლებს. გუშინ გავაკეთე გამონაკლისი იქიდან გამომდინარე, რომ პირადად ვიყავი დაპატიჟებული პრეზიდენტის მიერ, - ამის შესახებ საქართველოში ევროკავშირის ელჩმა კარლ ჰარცელმა ჟურნალისტებს განუცხადა, როდესაც უპასუხა დასმულ შეკითხვას, აპირებს თუ არა 20 ივნისის აქციაზე მისვლას.

ელჩის თქმით, ის მხარს უჭერს ქართველი ხალხის ევროპულ არჩევანს.

„მივესალმები პროევროპული არჩევანის შესახებ სურვილის მშვიდობიან გამოხატვას. ეს არ არის არც ჩემი როლი და არც ჩემი ჩვევა, რომ დავესწრო სხვადასხვა სახის გამოსვლებს. გუშინ გავაკეთე გამონაკლისი იქიდან გამომდინარე, რომ პირადად ვიყავი დაპატიჟებული პრეზიდენტის მიერ.

მინდა კიდევ უფრო პირდაპირი ვიყო და გითხრათ, რომ მე არ ვესწრები ასეთ გამოსვლებს იქიდან გამომდინარე, რომ ვარ დიპლომატი და გამაჩნია განსაზღვრული მანდატი. რაც შეეხება საქართველოს, ასეთი გამოსვლები და აქციები ეხება საქართველოს მოსახლეობის მოსაზრებებს, ამბიციებს და ძალიან დიდი გულისხმიერებით მივესალმები ორივე აქციას, რომელიც იყო და რომელიც იქნება. უამრავი სხვადასხვა ღონისძიება, კონფერენცია იყო, ვიღებდი უამრავ წერილს, რომელსაც შემდეგ ბრიუსელში ვგზავნიდი და რომელიც ძალიან მკაფიოდ უჭერს მხარს საქართველოს მოსახლეობის სწრაფვას ევროინტეგრაციისკენ. ასევე, მინდა აღვნიშნო, მშვენიერი ევროკავშირის დიდი დროშაა ხელმოწერებით, რომელიც მოგვიტანეს“, - განაცხადა ჰარცელმა.