დავით არახამიას განცხადებით, რუსეთთან მოლაპარაკებები გაძლიერებული პოზიციებიდან, შესაძლოა, აგვისტოს ბოლოს განახლდეს

რუსეთის ფედერაციასთან ომის საკითხებზე მოლაპარაკებების ჯგუფის ხელმძღვანელის, დავით არახამიას განცხადებით, ამჟამად უკრაინული მხარე მოლაპარაკებების განახლების შესაძლებლობას არ განიხილავს, თუმცა, ყველაფერი შეიძლება შეიცვალოს აგვისტოს ბოლოს უკრაინის შეიარაღებული ძალების მიერ გარკვეულ ადგილებში კონტრშეტევის განხორციელების შემდეგ. უკრაინული მედიის ინფორმაციით, ამის შესახებ არახამიამ „ამერიკის ხმასთან“ ინტერვიუში განაცხადა.

მან ხაზი გაუსვა, რომ უკრაინამ აგრესორთან სამშვიდობო მოლაპარაკებები მხოლოდ იმ შემთხვევაში შეიძლება განაახლოს, თუ მისი პოზიციები ფრონტზე გაძლიერდება. თუმცა, არახამიამ არ დააზუსტა, კონკრეტულად რაზე საუბრობდა, „იმ მიზეზით, რომ რუსებს გეგმები არ გაუზიაროს“.

მოლაპარაკებათა ჯგუფის ხელმძღვანელის თქმით, მინიმალური მისაღები გარიგება იქნება თუ უკრაინა რუსულ ძალებს განდევნის ან ისინი ნებაყოფლობით დაიხევენ იმ პოზიციებზე, სადაც 24 თებერვლამდე იმყოფებდნენ.

„ამის შემდეგ შესაძლებელი იქნება ყველა სუვერენული ტერიტორიის, მათ შორის ყირიმის, დონეცკისა და ლუგანსკის ოლქების დაბრუნებაზე საუბარი“, - აღნიშნა არახამიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს