საფრანგეთში საპარლამენტო არჩევნების მეორე ტური მიმდინარეობს

საფრანგეთში საპარლამენტო არჩევნების მეორე ტური მიმდინარეობს. კენჭისყრაში მონაწილეობის მისაღებად დაახლოებით 48,5 მილიონი ამომრჩეველია რეგისტრირებული.

FRANCE 24-ის ცნობით, შედეგები მას შემდეგ გამოცხადდება, რაც ხმის მიცემის პროცესი პარიზის დროით საღამოს 20:00 საათზე დასრულდება.

საფრანგეთის ეროვნული ასამბლეის არჩევნებში, მოქმედი პრეზიდენტის ემანუელ მაკრონის ცენტრისტული ალიანსის მთავარი კონკურენტი მემარცხენე კოალიციაა, რომელშიც „სოციალისტების“, „მწვანეების“, „კომუნისტებისა“ და „დაუმორჩილებელი საფრანგეთის“ პარტიები შედის.

ერთი კვირის წინ გამართულ საპარლამენტო არჩევნების პირველ ტურში, მემარცხენე ჟან-ლუკ მელენშონის ხელმძღვანელობით მოქმედ მემარცხენე-მწვანეთა ალიანსსა და მაკრონის კოალიციას შორის სხვაობა მცირედი იყო.

სოციოლოგიური გამოკითხვების თანახმად, ოპოზიციურ მემარცხენე ალიანსს შეუძლია ქვეყნის მოქმედი პრეზიდენტის კოალიციას საკანონმდებლო ორგანოში 289 ადგილის მოპოვებაში ხელი შეუშალოს, რაც მაკრონს აბსოლუტური უმრავლესობისთვის სჭირდება.

289 მანდატის მოპოვების გარეშე, საფრანგეთის პირველ პირს თავისი რეფორმების განსახორციელებლად სხვა პარტიების მხარდაჭერა დასჭირდება. მაკრონს საპენსიო ასაკის გაზრდა, გადასახადების შემცირება და შეღავათების რეფორმა სურს.

ოპოზიციური მემარცხენე ალიანსი კი ამომრჩევლებს ფასების ზრდასთან შებრძოლებას, საპენსიო ასაკის შემცირებას და კლიმატის ცვლილებასთან გამკლავებას ჰპირდება.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს