ქაბულში სიქების ტაძარზე განხორციელებულ თავდასხმაზე პასუხისმგებლობა „ისლამურ სახელმწიფოსთან“ დაკავშირებულმა დაჯგუფებამ აიღო

„ისლამურ სახელმწიფოსთან“ დაკავშირებულმა ტერორისტულმა დაჯგუფებამ ავღანეთის დედაქალაქ ქაბულში სიქების ტაძარზე განხორციელებულ თავდასხმაზე პასუხისმგებლობა აიღო.

ტერორისტულმა დაჯგუფება „ISIS-Khorasan“-მა საკუთარ „ტელეგრამ“ არხზე განაცხადა, რომ სიქების ტაძარზე მომხდარი თავდასხმა "შურისძიების აქტი" იყო ინდოეთის მმართველი პარტიის წევრების მიერ წინასწარმეტყველ მუჰამედის შეურაცხყოფის გამო.

გუშინ მომხდარ თავდასხმას სულ მცირე ორი ადამიანი ემსხვერპლა და შვიდი კი დაშავდა.

ცნობისთვის, ცოტა ხნის წინ, ინდოეთის მმართველი პარტიის ლიდერებმა ანტი-ისლამური კომენტარები გააკეთეს, რასაც მუსლიმურ სამყაროში ვნებათაღელვა მოჰყვა. ქაბულის პოლიციის ცნობით, შვიდმა შეიარაღებულმა პირმა ტაძრის შტურმით აღება შაბათს დილის საათებში სცადა. სამართალდამცველებმა ყველა თავდამსხმელის ლიკვიდაცია რამდენიმესაათიანი შეტაკების შემდეგ მოახერხეს. ISIS-K-ის თქმით, თვითმკვლელი ტერორისტი სიქების ტაძარში ცეცხლსასროლი იარაღით, პისტოლეტითა და ხელყუმბარით შეიარაღებული შეიჭრა. ტაძარში 30 ადამიანი იმყოფებოდა. ავღანეთის ისლამურმა ემირატმა მკაცრად დაგმო „ავღანელი ხალხის მტრების მიერ ქაბულში ინდუისტური სალოცავის მიზანში ამოღება“. თალიბებმა მსხვერპლთა ოჯახებს მიუსამძიმრა და პირობა დადო, რომ სერიოზულ ზომებს მიიღებს დამნაშავეთა იდენტიფიკაციისა და დასჯისთვის. რელიგიური უმცირესობის წარმომადგენლებზე ქაბულში განხორციელებული თავდასხმა დაგმო გაერომ, ევროკავშირმა და ინდოეთის საგარეო საქმეთა სამინისტრომ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს