რუსეთის საგარეო საქმეთა მინისტრმა სერგეი ლავროვმა განაცხადა, რომ ვაშინგტონი ვერ შეძლებს მოსკოვს საერთაშორისო საქმეებში ხმა ჩამოართვას და აიძულოს შეასრულოს შეერთებული შტატების მიერ გამოგონილი წესები.

„მათ იმის მიღწევა უნდათ, რასაც დიდი ხნის წინ აცხადებდნენ, რომ რუსეთმა უნდა იცოდეს თავისი ადგილი, რუსეთს არ აქვს საკუთარი ხმის უფლება საერთაშორისო საქმეებში, რუსეთი უნდა დაემორჩილოს იმ წესებს, რაც აშშ-მ მოიგონა. სულ ეს არის. ვფიქრობ, მათ კარგად ესმით, რომ წარმატებას ვერ მიაღწევენ“, - განაცხადა ლავროვმა რუსეთის სახელმწიფო არხზე გადაცემაში „მოსკოვი, კრემლი. პუტინი“.