იტალიელმა სამართალდამცველებმა ავტომობილის მძღოლს ცეცხლი მას შემდეგ გაუხსნა, რაც მძღოლმა ვატიკანის საკონტროლო პუნქტი გაარღვია, რის გამოც პოლიციამ შემთხვევის ადგილი ტერორისტული საფრთხის გამო ჩაკეტა.
ინფორმაციას დასავლური მედია აქვეყნებს.
პოლიციამ, საფრთხის გამო ანტიტერორისტული პროტოკოლი გაააქტიურა, რის შედეგადაც შვეიცარიული გვარდიის მიერ ვატიკანის დალუქვა მოხდა.
ესპანური მედიასაშუალების Hoy-ის ცნობით, დაკაცებულია 39 წლის წარსულში ნასამართლევი ალბანელი მამაკაცი, რომელიც ინციდენტის დროს ნარკოტიკული ზემოქმედების ქვეშ იმყოფებოდა.
ის BMW-ს მარკის ავტომობილს სწრაფად მართავდა, როდესაც მან პოლიციელების ყურადღება მიიპყრო.
სამართალდამცველებმა მამაკაცს ავტომობილის გაჩერება სთხოვეს, თუმცა ის მოთხოვნას არ დაემორჩილა და მოძრაობას აუჩქარა.
ინციდენტის დროს, ტერიტორია ტურისტებითა და მორწმუნეებით იყო სავსე, რადგან პაპი ფრანცისკე თავისი რეზიდენციის ფანჯრიდან ლოცვას აღავლენდა.
როგორც მედია წერს, ეჭვმიტანილი მანქანიდან გაიქცა და კარაბინიერებმა მისი დაკავება დევნის შედეგად მოახერხეს, თუმცა მანამდე მამაკაცმა თავისი ავტომობილი ორ პოლიციელს შეაჯახა, რის შედეგადაც ისინი დაშავდნენ. სამართალდამცველებმა ეჭვმიტანილის შესაჩერებლად ავტომატი გამოიყენეს. ის საავადმყოფოში გადაიყვანეს.
იტალიის პოლიციამ გამოძიება დაიწყო და მასში ანტი-ტერორისტული ინსპექტორები არიან ჩართულნი.
როგორც ცნობილია, მამაკაცმა დევნის დროს საკუთარი ავტომობილის ფანჯრიდან საფულე და საათი გადააგდო.