უკრაინის „აზოვის“ ბატალიონის რამდენიმე მეთაური, რომელიც მარიუპოლში ჩაბარდა, მოსკოვის ლეფორტოვოს დროებითი მოთავსების იზოლატორში გადაიყვანეს, - ინფორმაციას რუსული საინფორმაციო სააგენტო TASS-ი ავრცელებს.
მანამდე გავრცელებული ინფორმაციით, „აზოვის“ ბატალიონის მეთაურის მოადგილე, სვიატოსლავ პალამარი და უკრაინის შეიარაღებული ძალების 36-ე საზღვაო ბრიგადის მეთაური, სერგეი ვოლინსკი, რომლებიც მარიუპოლში ჩაბარდნენ, რუსეთში „გამოძიების მიზნით“ გადაიყვანეს.
რუსეთის თავდაცვის სამინისტროს ცნობით, რუსებს „აზოვსტალში“ მებრძოლი 2 439-მდე უკრაინელი სამხედრო ჩაბარდა.
