ურსულა ფონ დერ ლაიენი უკრაინის კანდიდატის სტატუსზე - მტკიცედ მჯერა, რომ ევროპული საბჭო დადებით გადაწყვეტილებას მიიღებს
ევროკომისიის ხელმძღვანელი, ურსულა ფონ დერ ლაიენი დარწმუნებულია, რომ უკრაინა ევროკავშირის კანდიდატის სტატუსს მიიღებს.
„მტკიცედ მჯერა, რომ ჩვენ მივიღებთ დადებით გადაწყვეტილებას, მივიღებთ მხარდაჭერას“, - განუცხადა ფონ დერ ლაიენმა გერმანულ საზოგადოებრივ მაუწყებელს ARD-ს.
მისი თქმით, გადაწყვეტილება, რომელიც ევროპულმა საბჭომ ამ კვირაში უნდა მიიღოს, ისტორიული გადაწყვეტილებაა.
„გადაწყვეტილება, რომელიც ახლა ევროპულმა საბჭომ უნდა მიიღოს, ისტორიულია,“ - განაცხადა ევროკომისიის ხელმძღვანელმა და დასძინა, რომ დარწმუნებულია უკრაინის პერსპექტივაში.
შეგახსენებთ, პარასკევს ევროპულმა კომისიამ უკრაინისა და მოლდოვისთვის კანდიდატის სტატუსის მინიჭების რეკომენდაცია გასცა.
