გიორგი ვაშაძე - პრემიერმა თქვა, ჩავალთ ბრიუსელში და რაღაცებს გავარკვევთო, კიდევ საქმის გარჩევას აპირებენ თურმე

პრემიერმა თქვა, ჩავალთ ბრიუსელში და რაღაცებს გავარკვევთო, კიდევ საქმის გარჩევას აპირებენ თურმე - საქმეების გარჩევას ჩვენ მართლა ვაპირებთ ღარიბაშვილთან და ოლიგარქიულ კლანთან, თუ რატომ ჩაიდინეს ეროვნული დანაშაული ქართველი ხალხის წინაშე,- ამის შესახებ ჟურნალისტებთან „სტრატეგია აღმაშენებლის" თავმჯდომარე გიორგი ვაშაძემ განაცხადა.

მისი თქმით, დეოლიგარქიზაცია, რომელიც არის ერთ- ერთი მთავარი რეკომენდაცია, „ქართული ოცნების" პირობებში წარმოუდგენელია.

„ქართულ ოცნებას" აღარც კი ელაპარაკება არავინ ევროპაში. პრემიერმა თქვა, ჩავალთ ბრიუსელში და რაღაცებს გავარკვევთო, კიდევ საქმის გარჩევას აპირებენ თურმე. იმის ნაცვლად დღეს გამოსულიყო და ბოდიში მოეხადა საქართველოს მოქალაქეებისთვის და ეთქვა დეოლიგარქიზაციას როგორ ახდენს ქვეყანაში. თქვენ ღარიბაშვილის მიერ გაკეთებული დეოლიგარქიზაციის გჯერათ? მთავარი ამოცანა რაც დაგვისახა ევროპამ, არის დეოლიგარქიზაცია. როგორ გგონიათ, ოლიგარქის მსახური ღარიბაშვილი როგორ ახდენს დეოლიგარქიზაციას?! - კითხვას ვსვამ, რომელსაც ყველამ უნდა უპასუხოს, ეს ხომ წარმოუდგენელია! ამიტომ საქმეების გარჩევას ჩვენ მართლა ვაპირებთ ღარიბაშვილთან და ოლიგარქიულ კლანთან, რომელმაც მიიტაცა საქართველო, იმასთან დაკავშირებით, თუ რატომ ჩაიდინეს ეს ეროვნული დანაშაული ქართველი ხალხის წინაშე“, - განაცხადა ვაშაძემ.

შეგახსენებთ, პრემიერ-მინისტრმა ირაკლი ღარიბაშვილმა განაცხადა, რომ როგორც კი დაამტკიცებს ევროპული საბჭო რეკომენდაციებს, ბრიუსელთან მაშინვე დაიწყებენ მუშაობას.

„ამ რეკომენდაციების უდიდესი ნაწილი ისედაც იყო ჩვენს დღის წესრიგში ჩადებული. არის სხვა საკითხები, რომელსაც ჩვენ გავარკვევთ ბრიუსელთან, ვიმუშავებთ და მივიღებთ კანდიდატის სტატუსს“, - განაცხადა ღარიბაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა