ჩვენ ევროკავშირისთვის კი არ ვიბრძვით, არც რომელიმე კონკრეტული პარტიისთვის, ჩვენ საქართველოსთვის, ჩვენი მომავლისთვის, ჩვენი შვილებისთვის ვიბრძვით,- ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისივე თქმით, 20 ივნისი ღირსებისთვის ბრძოლის დღეა.

„ევროპა კი არა, შუა საუკუნეებში ხართო - ეს გვითხრეს პრაქტიკულად, რადგან ფეოდალსა და ოლიგარქს შორის სხვაობა არ არსებობს. ჩვენ გავხდით ქვეყანა, სადაც მონობის ხარისხის მიხედვით აჯილდოებენ ადამიანებს.

ამიტომ უნდა გაიაზროს ყველამ, რომ ჩვენ ევროკავშირისთვის კი არ ვიბრძვით, არც რომელიმე კონკრეტული პარტიისთვის, ჩვენ საქართველოსთვის, ჩვენი მომავლისთვის, ჩვენი შვილებისთვის ვიბრძვით.

იმ ახალგაზრდებისთვის ვიბრძვით, ვისაც ქვეყნიდან გასაქცევად, უკვე ბილეთი აქვს აღებული. მათ უნდა დავანახოთ პერსპექტივა, ბილეთი რომ ჩააბარონ. აი ამიტომ არის 20 ივნისი ღირსებისთვის ბრძოლის დღე”,- აღნიშნავს დავით ჭიჭინაძე.