„გზა ევროპისკენ ქუთაისის არჩევანია" - ამ მოწოდებით მიმდინარეობს აქცია ქუთაისში. მოქალაქეები, არასამთავრობო სექტორის და სხვადასხვა სფეროს წარმომადგენლები ცენტრალურ მოედანზე შეიკრიბნენ. მათ ცოცხალი ჯაჭვით ევროპული არჩევანი კიდევ ერთხელ დააფიქსირეს და განაცხადეს, რომ საქართველოს გზა ევროპაშია.

მათი თქმით, ჩვენი ქვეყნის ევროპულ პერსპექტივას ალტერნატივა არ აქვს.

"დღეს შევიკრიბეთ იმისთვის, რომ კიდევ ერთხელ გავაგონოთ ევროპას ჩვენი ხმა და ვთქვათ, რომ საქართველო არის ევროპული ცივილიზაციის ნაწილი. ჩვენი არჩევანი არის უალტერნატივო, საქართველო უნდა დაბრუნდეს შინ, უნდა დაბრუნდეს ევროპაში. ახლა, ისე როგორც არასდროს, უნდა დავდგეთ ერთად, ჩვენთვის, ჩვენი შვილებისთვის ეს აუცილებელია", - აცხადებენ აქციის მონაწილეები.