გერმანიის საგარეო საქმეთა მინისტრ ანალენა ბაერბოკის თქმით, ევროკავშირმა უნდა აჩვენოს უკრაინას, რომ ალყაში მოქცეული ქვეყანა ბლოკს ეკუთვნის. ამის შესახებ ინფორმაციას გერმანული გამოცემა Deutsche Welle ავრცელებს.
მისივე თქმით, უკრაინას მკაფიოდ უნდა უთხრან, რომ ევროკავშირს ეკუთვნის.
„ახლა მნიშვნელოვანია, რომ წესებს კი არ მივყვეთ, არამედ ამ ისტორიული მომენტით ვისარგებლოთ და უკრაინას, მისი პერსპექტივიდან მკაფიოდ ვუთხრათ: თქვენ ეკუთვნით ევროკავშირს. ჩვენ ახლა ვართ იმ მომენტში, როდესაც უნდა მივიღოთ გადაწყვეტილება“, - განაცხადა ბაერბოკმა.