“შინ ევროპისკენ”- ამ ლოზუნგით ბათუმში ცენტრალურ პარკში მოქალაქეები, სტუდენტები, საზოგადო მოღვაწეები და სხვადასხვა ორგანიზაციების წარმომადგენლები იკრიბებიან.

აქციის მონაწილეების განცხადებით, მათი მთავარი გზავნილია, რომ მხარს უჭერენ საქართველოს ევროინტეგრაციას. მათი თქმით, ისტორიული შანსი ქვეყანამ არ უნდა დაკარგოს.

შეკრებილები, ცენტრალური პარკიდან ევროპის მოედნის მიმართულებით მარშს მოაწყობენ.

“რუსეთში ცხოვრება არ გვინდა, საქართველოს გადარჩენის და განვითარების შანსი ევროპაშია, სწორედ ამიტომ გამოვედით ასობით მოქალაქე და ერთხმად მხარს ვუჭერთ, საქართველოს ევროინტეგრაციას. საქართველოს კურსს ვერავინ შეუცვლის, ქართველი ხალხის აბსოლუტური უმრავლესობა თანხმდება, რომ ევროპულ ოჯახში ცხოვრება ნიშნავს: ადამიანის უფლებების დაცვას, დასავლურ განათლებას, ჯანსაღ გარემოსა და ძლიერ ეკონომიკას. ჩვენ გვინდა ევროპაში და ამ ფორმით საერთაშორისო ორგანიზაციებს ვაჩვენებთ, რომ საქართველო ამ საკითხში ერთსულოვანია”, - განაცხადეს ბათუმში აქციაზე შეკრებილებმა.