გუშინდელი მშვიდობიანი და კანონიერი საპროტესტო აქცია ძალიან საინტერესო იყო. იყო შესანიშნავი მობილიზაცია და სიმტკიცე, - ამის შესახებ საქართველოში საფრანგეთის ელჩმა, დიეგო კოლასმა განაცხადა.

მისი თქმით, ის, რაც ევროკავშირმა საქართველოსთვის შესთავაზა, ევროპული პერსპექტივა, ძალიან მნიშვნელოვანი წინგადადგმული ნაბიჯია.

„ვფიქრობ, ის, რაც ევროკავშირმა საქართველოს შესთავაზა, იძლევა იმედის, მობილიზაციისა ოპტიმიზმის საფუძველს, რადგან ევროპული პერსპექტივა ძალიან მნიშვნელოვანი წინგადადგმული ნაბიჯია. ეს არის მნიშვნელოვანი საგზაო რუკა რეფორმებისთვის, იმისთვის, თუ როგორ უნდა მოხდეს წინსვლა და წარმატება. ეს არის ძალიან პოზიტიური და ოპტიმისტური შედეგი. ის, რაც გუშინ ვნახეთ, იყო მობილიზაცია და სიმტკიცე წინსვლისთვის,“- აღნიშნა ელჩმა.