იაგო ხვიჩია - იმის შემდეგ, რაც ჩვენ შარლ მიშელს დავმართეთ, საერთოდ რომ კორექტულად ლაპარაკობს და ჩვენი პოლიტიკოსების მიმართ არ ბილწსიტყვაობს, უნდა დავუფასოთ

იმის შემდეგ, რაც ჩვენ საქართველოში შარლ მიშელს დავმართეთ, საერთოდ რომ კორექტულად ლაპარაკობს და ჩვენი პოლიტიკოსების მიმართ არ ბილწსიტყვაობს, უნდა დავუფასოთ - სამწუხაროდ, ამ ადამიანთან კარგი საქმე არ გაგვიკეთებია - პირიქით, რითაც შეგვეძლო საქმე გავაფუჭეთ! - აღნიშნული შეფასება “გირჩის“ დეპუტატმა იაგო ხვიჩიამ გააკეთა.

იაგო ხვიჩიას თქმით, ევროპელმა პარტნიორებმა საქართველოს პოლიტიკური სპექტრი კარგად გაიცნეს და მაღალი წარმოდგენა არ აქვთ.

“რაც ევროპელებმა სტატუსის მისაღებად გვთხოვეს, ამას ხელისუფლება თავისი ნებით არ გააკეთებს და ან ყველაფერს გააკეთებს იმისთვის, რომ ეს არ მოხდეს. ფაქტობრივად, მოთხოვნა ერთპიროვნული მმართველობის დასრულება და ხელისუფლების რეალური გადანაწილება იყო. რომ გითხრათ, რომ გუშინდელი აქციის შემდეგ ხელისუფლება ამაზე ფიქრს და ამის გაკეთებას უკვე დაიწყებს, ამის ნაკლებად მჯერა. ხელისუფლება კვლავ ეცდება, ადამიანების რეაქციებს დააკვირდეს - თუ როგორ მიდის პროტესტი და სერიოზულ გადაწყვეტილებებს მხოლოდ მაშინ მიიღებს, როცა დაინახავს, რომ მის ძალაუფლებას სერიოზულად ექმნება საფრთხე. ჯერ ამის დანახვა რთულია, თუმცა ხალხმა თავისი ნება ნათლად და გასაგებად აჩვენა.

ამ ნების დასანახად არც ოპოზიცია არის მზად. იმის ართქმა, რას აპირებ და თქმა: მოდი 24 ივნისს და გეტყვი, პირველი ნაბიჯია სისუსტისკენ. აქციების დაშლა სულ ასე ხდება - ხალხი შეიკრიბება და ეუბნებიან: რამდენიმე დღეში მოდი... პროტესტი ასე ქრება. რა და როგორ იქნება, ამას ვნახავთ, რადგან 24 ივნისიც მალე მოვა, მაგრამ თუ გინდა, სერიოზული შედეგები მიიღო, ამისთვის საჭიროა გეგმის დადება და იდეის მოფიქრება, თუ როგორი იქნება ქვეყანა და აკმაყოფილებს თუ არა იმ კრიტერიუმებს, რაც ევროპული თვალსაზრისით ქვეყნის მიმართ არსებობს“, - განაცხადა იაგო ხვიჩიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024