საფრანგეთის პრეზიდენტმა ემანუელ მაკრონმა მის მიერ დანიშნულ პრემიერ-მინისტრ ელიზაბეტ ბორნს გადადგომის მოთხოვნით მიმართვაზე უარი განუცხადა.

ელისეის სასახლის ინფორმაციით, საფრანგეთის პრემიერ-მინისტრმა ელიზაბეტ ბორნმა სახელმწიფოს მეთაურს გადადგომის შესახებ დღეს დილით წარუდგინა წერილი, რაზეც მაკრონისგან უარი მიიღო.

მაკრონმა უარი თქვა აღნიშნულ შეთავაზებაზე, რადგან "მთავრობამ უნდა იმოქმედოს".

მედიის ცნობით, პრემიერი ბორნი გააკრიტიკეს მას შემდეგ, რაც მაკრონის კოალიციამ გასულ კვირას უმრავლესობა დაკარგა.

ცნობისთვის, საფრანგეთის პრეზიდენტის, ემანუელ მაკრონის ალიანსმა წინასწარი მონაცემებით, საპარლამენტო არჩევნების მეორე ტურში აბსოლუტური უმრავლესობა ვერ მოიპოვა. მაკრონის ალიანსს აბსოლუტური უმრავლესობის მისაღებად 44 მანდატი აკლია.