ამერიკის შეერთებული შტატების გენერალური პროკურორი მერიკ გარლანდი უკრაინას სტუმრობს, რათა ომის დანაშაულებებში მონაწილე პირების იდენტიფიცირების, დაპატიმრებისა და სისხლისსამართლებრივი დევნის საკითხები განიხილოს.

ინფორმაციას იუსტიციის დეპარტამენტზე დაყრდნობით დასავლური მედია აქვეყნებს.

გარლანდი უკრაინის გენერალურ პროკურორს ირინა ვენედიქტოვას შეხვდა.

„შეერთებული შტატები აშკარა გზავნილს აგზავნის. დასამალი ადგილი არ არსებობს. ჩვენ და ჩვენი პარტნიორები ყველაფერს გავაკეთებთ, რათა დავრწმუნდეთ, რომ დამნაშავეები პასუხს აგებენ ამ სისასტიკეზე“, - აღნიშნა გარლანდმა ჟურნალისტებთან საუბრისას.