ირაკლი ქადაგიშვილი - აქციაზე ხალხის რაოდენობა იმ ბევრზე უფრო ბევრი აღმოჩნდა, ვიდრე ვპროგნოზირებდი - თუ ვინმეს ჰგონია, რომ ეს აქცია რევოლუციის წინაპირობაა, ცდება

აქციაზე იყო ერთიც და იყო მეორეც: იყო ხელისუფლებაზე გაბრაზებაც, მაგრამ იყო ზოგადად სურვილის დემონსტრირებაც - ვინმეს თუ ჰგონია, რომ ეს აქცია რევოლუციის წინაპირობაა, ძალიან ცდება, - ამის შესახებ „ქართული ოცნების“ ერთ-ერთმა ლიდერმა, საქართველოს პარლამენტის დეპუტატმა ირაკლი ქადაგიშვილმა „პალიტრანიუსის“ გადაცემა „პოლიტიკურ სივრცეში“ განაცხადა.

უმრავლესობის წევრი ფიქრობს, რომ აქციაზე მისულთა შორის "ძალიან დიდი რაოდენობა იყო ნეიტრალური".

მისი თქმით, ხალხი ხელისუფლებისგან მკაფიო დღის წესრიგს ითხოვს.

„ველოდი, რომ ეს არ იქნებოდა ტრადიციული ოპოზიციური პარტიის მიერ მოწყობილი აქციისთვის დამახასიათებელი ხალხის რაოდენობა და ბევრი იქნებოდა, მაგრამ იმ ბევრზე უფრო ბევრი აღმოჩნდა, ვიდრე მე ვპროგნოზირებდი. ჩემი აზრით, ევროკავშირის თემა ზოგადად საზოგადოებისთვის არის სენსიტიური და ხალხს ჰქონდა და აქვს იმის რწმენა, რომ მათი ნების კიდევ ერთხელ გამოხატვა - ეს საქართველოსთვის მნიშვნელოვანი იყო, თუმცა ობიექტურობისთვის უნდა ვთქვათ, რომ რა თქმა უნდა, ამ აქციის უკან პოლიტიკოსთა გარკვეულ ჯგუფს აქვს ის პოლიტიკური გეგმა და სურვილი, რაც უფრო მეტად შიდა პოლიტიკურ დღის წესრიგს უკავშირდება, ვიდრე იმ საერთო დღის წესრიგს.

აქციაზე იყო ერთიც და იყო მეორეც - იყო ხელისუფლებაზე გაბრაზებაც, რა თქმა უნდა, მაგრამ იყო ზოგადად სურვილის დემონსტრირებაც, რადგან იქ არ იყო ერთი რომელიმე პარტიის ან, პარტიათა ჯგუფის ამომრჩეველი - იქ იყო ძალიან დიდი რაოდენობა ნეიტრალური.

მე ამ აქციით დავინახავდი ორ რამეს - ერთ გზავნილს ხელისუფლების მიმართ და მეორეს, ზოგად გზავნილს რაც იყო ამ აქციის ოფიციალური სლოგანი „ევროპისაკენ“. ხალხი ხელისუფლებისგან ითხოვს მკაფიო დღის წესრიგს აი, ამ 6 თვის განმავლობაში.

ვინმეს თუ ჰგონია, რომ ეს აქცია რევოლუციის წინაპირობაა, ძალიან ცდება. ვინმეს თუ ჰგონია, რომ ეს აქცია არის ხალხის ნების დემონსტრირება ევროკავშირისკენ სავალ გზაზე, ეს სწორია და ხელისუფლებას თუ ჰგონია, რომ ამ აქციით უნდა დაინახოს უფრო მეტი შესაძლებლობა მისი პოლიტიკური აქტიურობის გაზრდის, ეს არის სწორი ხედვა“, - განაცხადა ქადაგიშვილმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება