ირაკლი კობახიძე - მარგველაშვილის წერილში წერია, ჩვენი მახინჯი გოგო იქნებ მოიყვანოთ ცოლადო - მახინჯი გოგო არ ვართ, შესაბამისად, ამას ხელს ვერ მოვაწერთ

როცა გინდა შენი შვილი გაათხოვო, არავის ეუბნები, ჩემი მახინჯი გოგო მოიყვანე ცოლადო - ზუსტად ეს წერია მარგველაშვილის წერილში, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს განუცხადა, რითაც გამოეხმაურა საქართველოში 2016 წლამდე მოქმედი უმაღლესი თანამდებობის პირების მიერ ევროკავშირში გაგზავნილ წერილს.

როგორც კობახიძემ განაცხადა, აღნიშნული წერილი ავტორების სიყალბეზე მეტყველებს.

„ამ დოკუმენტში წერია, რომ ქვეყანა საშინელ მდგომარეობაშია, მაგრამ მაინც უნდა მოგვენიჭოს კანდიდატის სტატუსი. ეს მათ სიყალბეზე მეტყველებს და იმაზე, რომ მათი ნებისმიერი ასეთი ნაბიჯი არის ყალბი. როცა გინდა შენი შვილი გაათხოვო, არავის არ ეუბნები, ჩემი მახინჯი გოგო მოიყვანე ცოლადო. ეს წერია მარგველაშვილის წერილში ზუსტად - ჩვენი მახინჯი გოგო იქნებ მოიყვანოთ ცოლადო. მახინჯი გოგო არ ვართ, შესაბამისად, ამას ხელს ვერ მოვაწერთ“,- განაცხადა ირაკლი კობახიძემ.

შეგახსენებთ, საქართველოში 2016 წლამდე მოქმედი უმაღლესი თანამდებობის პირები ევროკავშირს წერილით მიმართავენ, საქართველოს კანდიდატი ქვეყნის სტატუსი მიენიჭოს. შესაბამისი წერილი საქართველოს მეოთხე პრეზიდენტმა გიორგი მარგველაშვილმა საქართველოში ევროკავშირის ელჩს, კარლ ჰარცელს დღეს გადასცა.

„წერილის შინაარსი შემდეგია - ვეთანხმებით მათ მიერ წამოყენებულ მოთხოვნებს, მათი შესრულების მიზანშეწონილობას, მაგრამ ვითარების სირთულიდან და რეგიონში არსებული გამოწვევებიდან გამომდინარე გთხოვთ, არ დაშალოთ ტრიო - უკრაინა, მოლდოვა, საქართველო, არამედ მოგვცეთ კანდიდატის სტატუსი და მოთხოვნები დატოვოთ შემდეგ შესასრულებლად.

წერილს ხელს აწერს 2016 წლამდე მოქმედი ყველა ლიდერი, ვინც დღეს ცოცხალია - პრეზიდენტები, პარლამენტის თავმჯდომარეები. 2016 წლის შემდეგ კი წყდება - 2016 წლის შემდეგ მოქმედი არცერთი პოლიტიკოსი ხელს არ აწერს“,- განაცხადა „ინტერპრესნიუსთან“ გიორგი მარგველაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი