საფრანგეთის ევროპულ საქმეთა მინისტრი კლემან ბონი აცხადებს, რომ უკრაინის ევროკავშირში გაწევრიანებას შეიძლება წლები დასჭირდეს და კიდევ ერთხელ გაიმეორა თავისი პოზიცია, რომ ქვეყანა ბლოკში სწრაფად შესვლას ვერ მოახერხებს.
„არავითარი დაჩქარებული პროცედურა, არავითარი „მეფის საშვი“. მათ ჯერ უნდა დაასრულონ ომი, აღადგინონ ქვეყანა, დააკმაყოფილონ ყველა დემოკრატიული და ეკონომიკური მოთხოვნა. ამას დრო დასჭირდება,“- აღნიშნა მინისტრმა.
ამასთან, მისი თქმით, ევროკავშირის ლიდერები უკრაინას მისცემენ სიგნალს ღიაობის შესახებ.
შეგახსენებთ, ევროკავშირის წევრი ქვეყნების ლიდერები 23-24 ივნისს საქართველოს, მოლდოვისა და უკრაინისთვის კანდიდატის სტატუსის მინიჭებაზე იმსჯელებენ.