ირაკლი ღარიბაშვილი „ნაცმოძრაობის“ წევრებს - ომის შემდეგ თქვენ რა გააკეთეთ, რომ რუსეთისთვის სანქციები დაგეწესებინათ? ნული!

მე მინდა კითხვა დავუსვა ძვირფას ოპონენტებს - ომის შემდეგ თქვენ რა გააკეთეთ, რომ რუსეთისთვის სანქციები დაგეწესებინათ? ნული. არაფერი. პირიქით, რუსულ სახელმწიფო კომპანიებს სტრატეგიული აქტივები, ენერგეტიკული ობიექტები მიყიდეთ. ამის შემდეგ თქვენმა გუნდმა, სააკაშვილმა რუსეთის მოქალაქეებს უვიზო რეჟიმი ცალმხრივად დაუწესა. მაგარი სანქციები გაატარეს, - ასე მიმართა საქართველოს პრემიერ-მინისტრმა, ირაკლი ღარიბაშვილმა პარლამენტის პლენარულ სხდომაზე „ნაციონალური მოძრაობის“ წევრებს.

პრემიერის თქმით, დღეს საქართველოს ხელისუფლებას რუსეთისთვის სანქციების დაწესებისკენ სწორედ ის ადამიანები მოუწოდებენ, ვისაც რუსეთისთვის სანქციების დაწესებისთვის 2008 წლის რუსეთ-საქართველოს ომის შემდეგ არაფერი გაუკეთებია.

„ომის შემდეგ არავითარი სამუშაო არ ჩაუტარებიათ არსად, რომ საერთაშორისო თანამეგობრობა მოემობილიზებინათ და რუსეთისთვის სანქციები დაეწესებინათ. ვინმეს რამე გახსენდებათ? არა, იმიტომ რომ მსგავსი არაფერი გაკეთებულა. დღეს ესენი მოგვიწოდებენ, რომ რუსეთს სანქციები დავუწესოთ, რუსეთს კი არა საკუთარ თავს მეგობრობო, მეორე ფრონტი გავხსნათ აქ თურმე...,“ - განაცხადა ღარიბაშვილმა.

პრემიერმა პარლამენტის პლენარულ სხდომაზე კიდევ ერთხელ განმარტა, რატომ არ შეუერთდა საქართველო რუსეთის წინააღმდეგ დაწესებულ სანქციებს.

მისი თქმით, საქართველოს რუსეთთან ეკონომიკური სავაჭრო ურთიერთობები აქვს და „გვინდა თუ არ გვინდა, მოგვწონს თუ არ გვინდა - ეს ასეა“.

„საქართველოს მოსახლეობის მნიშვნელოვანი წილი - დაახლოებით, 1 მილიონი ადამიანი რუსეთში ცხოვრობს. ჩვენ კარგად გვახსოვს მეგობრებო, მათი გაუაზრებელი, უგუნური პოლიტიკის შედეგად როგორ უღირსად მოექცნენ ჩვენს მოქალაქეებს. სატვირთო თვითმფრინავებით გამოაგზავნეს საქართველოში, წაართვეს ბიზნესები, სახლები და საშინელი ტერორი გამოიარეს. ამის შემდეგ კარგად გახსოვთ, სანქციების მიერთების თაობაზე რამხელა აჟიოტაჟი ატყდა. ჩვენ ვთქვით მარტივად, რომ ჩვენ რუსეთთან ეკონომიკური სავაჭრო ურთიერთობები გვაქვს და ეს სავაჭრო ურთიერთობები ჩვენი მოქალაქეების დიდ ნაწილს ეხება. გვინდა თუ არ გვინდა, მოგვწონს თუ არ გვინდა - ეს ასეა. ეს არის რეალობა, ეს ყველამ კარგად გაითვალისწინეთ,“ - განაცხადა პრემიერ-მინისტრმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება