გიგი წერეთელი - დამრჩა შთაბეჭდილება, რომ დღევანდელი გამოსვლა ღარიბაშვილის,  როგორც პრემიერის დასასრული იყო - მან რიხიანი, შემტევი, ძალიან უტიფარი გამოსამშვიდობებელი სიტყვა თქვა

მე დამრჩა შთაბეჭდილება, რომ ეს გამოსვლა ღარიბაშვილის, როგორც პრემიერის დასასრული იყო, მან პრაქტიკულად ასეთი რიხიანი, შემტევი, ძალიან უტიფარი გამოსამშვიდობებელი სიტყვა თქვა, - ამის შესახებ „ევროპული საქართველოს“ პოლიტსაბჭოს თავმჯდომარემ, გიგი წერეთელმა „პალიტრანიუსის“ გადაცემა „დღის ნიუსრუმში“ განაცხადა.

მისივე თქმით, საქართველოს პრემიერ-მინისტრის, ირაკლი ღარიბაშვილის ანგარიშმა, რომელიც მან პარლამენტში წარადგინა, მთლიანად დაანგრია პერსპექტივა იმისა, რომ დეპოლარიზაციაზე შეიძლება ლაპარაკი იყოს.

„მე დამიტოვა შთაბეჭდილება, რომ მან [ირაკლი ღარიბაშვილმა] გადაწყვიტა, წავიდეს. ნუ, მან კი არ გადაწყვიტა, რომ წავიდეს, გადაწყვეტილება იმან მიიღო, ვინც იღებს.

ამ გამოსვლამ და პრემიერის ამ ე.წ.-მა ანგარიშმა, ჩემი აზრით, მთლიანად დაანგრია ნებისმიერი მითი და პერსპექტივა იმისა, რომ დეპოლარიზაციაზე შეიძლება ლაპარაკი იყოს. ეს იყო უკიდურესად, პოლარიზების კიდევ უფრო გამრავლებული ხარისხი, ძალიან დიდი უფსკრულის გაჩენა და მე ვფიქრობ, იმ მოცემულობასთან სრულიად არაადეკვატური, რომელიც დღეს გვაქვს“, - განაცხადა გიგი წერეთელმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია