რუსეთის საგარეო უწყება დასავლეთს აფრთხილებს, ლიეტუვასა და რუსეთს შორის დაპირისპირების დროს, ნატოს მე-5 მუხლის ორმხრივი თავდაცვის პუნქტის გააქტიურებაზე საუბარი შეწყვიტონ
რუსეთის საგარეო საქმეთა მინისტრის მოადგილე სერგეი რიაბკოვმა დასავლეთი გააფრთხილა, რომ ლიეტუვასა და რუსეთს შორის დაპირისპირების დროს, ნატო-ს მე-5 მუხლის ორმხრივი თავდაცვის პუნქტის გააქტიურებაზე საუბარი შეწყვიტონ. ამის შესახებ ინფორმაცია მედიაში ვრცელდება.
"რუსეთთან კონფლიქტის თემის შესახებ რიტორიკული თამაშები სახიფათოა", - განაცხადა რიაბკოვმა.
შეგახსენებთ, რიაბკოვის განცხადება მოჰყვა აშშ-ის სახელმწიფო დეპარტამენტის პრესსპიკერის, ნედ პრაისის პასუხს კითხვაზე, უჭერს თუ არა შეერთებული შტატები მხარს ლიეტუვას, რუსეთის მხრიდან რაიმე საფრთხის შემთხვევაში, რაზეც ნედ პრაისმა აღნიშნა, რომ ლიეტუვა არის ნატო-ს წევრი და მას მხარს უჭერენ.
