ირაკლი ღარიბაშვილი  - პრობლემა, რაც ფარმაცევტულ ბაზარზე იყო, ამ ეტაპისთვის მოწესრიგებულია

ის პრობლემა, რაც ფარმაცევტულ ბაზარზე იყო, ამ ეტაპისთვის მოწესრიგებულია. კომპანიებს 200-300-400%-იანი ფასნამატები ჰქონდათ. წარმოგიდგენიათ თქვენ? ეს პირდაპირ ჩვენი ხალხის ძარცვა იყო და თითქოს არაფერი, - ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტის პლენარულ სხდომაზე განაცხადა.

მისი თქმით, თურქეთის ბაზრის გახსნის შედეგად, საქართველოს მოქალაქეებმა მედიკამენტებზე, დაახლოებით, 55 მილიონ ლარამდე დაზოგა.

“ამხელა მოგებით რომ ყიდი წამალს საკუთარ ხალხზე, არ ვიცი ამას რა ჰქვია. ეს არის ამორალური საქციელი. რა თქმა უნდა, მთავრობა ჩაერია და ჩაერევა კიდეც, როცა საკითხი ჩვენი ხალხის უფლებების დაცვას ეხება”, - განაცხადა პრემიერმა.

მისივე თქმით, ამ ეტაპზე ჯანდაცვის სამინისტროსთან 2 თუ 3 კომპანია აწარმოებს მოლაპარაკებებს, რომლებსაც საქართველოში ქარხნების გახსნის და წამლების წარმოების სურვილი აქვთ.

“ჩვენ ძალიან ბევრი მაღალტექნოლოგიური ძალიან მაგარი ქარხნების მფლობელები დაგვიკავშირდნენ. აქედან 2 თუ 3 უკვე ინტენსიურ საუბარს აწარმოებს სამინისტროსთან. მათი სურვილი არის, რომ საქართველოში ახალი ქარხნები გახსნან და აქ მაღალი ხარისხის წამლების წარმოება დაიწყონ. ეს თუ მთავრობის ჩართულობის გარეშე მოხდება, რა თქმა უნდა, ძალიან კარგი საქმეა და ჩვენ ამ საკითხს ბოლომდე მივიყვანთ”, - განაცხადა პრემიერმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა