ირაკლი კობახიძე - 24 ივნისის აქციაზე „შულავერის კომიტეტის“ სახელებით და გვარებით გამომზეურება მოხდება

ვანო ჩხიკვაძე არის დღევანდელი სერგო ორჯონიკიძე - ადამიანი, რომელიც ორი კვირის წინ ამტკიცებდა, რომ საქართველო კანდიდატის სტატუსს არ იმსახურებდა, დღემდე იმ „სოროსის ფონდის“ თანამშრომლად რჩება, რომელიც დღეს აქციას „სირცხვილიას“ სახით აფინანსებს, - ამის შესახებ „ქართული ოცნების“ თავმჯდომარემ, ირაკლი კობახიძემ პარლამენტის პლენარულ სხდომაზე განაცხადა.

მისივე თქმით, ვანო ჩხიკვაძე არის „ნაციონალური მოძრაობის“ სახე და იმის ილუსტრაცია, რომ მთელი ამ პერიოდის განმავლობაში „ნაცმოძრაობა“ ევროპის წინააღმდეგ იბრძოდა.

„ვანო ჩხიკვაძემ ორი კვირით ადრე დასკვნა დაწერა იმის შესახებ, რომ საქართველო კანდიდატის სტატუსს არ იმსახურებს. ეს „სოროსის ფონდი“ არის ის ორგანიზაცია, რომელიც არის „სირცხვილიას“ ერთ-ერთი მთავარი დამფინანსებელი. ვანო ჩხიკვაძე დღემდე „სოროსის ფონდში“ მუშაობს. ძალიან მარტივად იკვრება ლოგიკური ჯაჭვი. ადამიანი, რომელიც ორი კვირის წინ მოღალატეობრივად ამტკიცებდა, რომ საქართველო კანდიდატის სტატუსს არ იმსახურებდა, დღემდე რჩება იმ „სოროსის ფონდის“ თანამშრომლად, რომელიც დღეს აქციას „სირცხვილიას“ სახით აფინანსებს და დღემდე არავის გაუკრიტიკებია ვანო ჩხიკვაძე და არავის უწოდებია მისთვის მოღალატე - კაცისთვის, რომელიც ჩვენი კანდიდატობის წინააღმდეგ პირდაპირ იბრძოდა. ეს არის თქვენი სახე. ვანო ჩხიკვაძე არის თქვენი სახე და იმის ილუსტრაცია, რომ მთელი ამ პერიოდის განმავლობაში თქვენ ევროპის წინააღმდეგ იბრძოდით“, - განაცხადა ირაკლი კობახიძემ.

კობახიძემ ასევე, ე.წ. შულავერის კომიტეტზეც ისაუბრა და აღნიშნა, რომ 20 ივნისის აქციაზე დაანონსდა, რომ 24 ივნისის აქციაზე, „შულავერის კომიტეტის“ სახელებით და გვარებით „გამომზეურება მოხდება“.

ლევან  შენგელია - ხელისუფლების თამაში ევროსტრუქტურებთან უაღრესად საშიში თამაშია და შეიძლება საქართველოსთვის საბედისწეროდ დამთავრდეს
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
ქართული პრესის მიმოხილვა 04.03.2024
„ფარმადეპოში“ გაზაფხულის ფასდაკლებები დაიწყო