აშშ-ის სახელმწიფო მდივნის მოადგილე ვენდი შერმანმა ხაზი გაუსვა აშშ-ის მხარდაჭერას უკრაინის, მოლდოვას, საქართველოსა და დასავლეთ ბალკანეთის ქვეყნების ევროატლანტიკურ მისწრაფებას. ამის შესახებ ნათქვამია აშშ-ის სახელმწიფო დეპარტამენტის მიერ გავრცელებულ ინფორმაციაში.

სახელმწიფო დეპარტამენტის ინფორმაციით, აშშ-ის სახელმწიფო მდივნის მოადგილე ვენდი შერმანი დღეს ესაუბრა ევროპის საგარეო საქმეთა გენერალურ მდივან სტეფანო სანინოს, სადაც საერთო გამოწვევების ფართო სპექტრზე მათი მჭიდრო კოორდინაცია გაგრძელდა, მათ შორის, უკრაინის მხარდაჭერასა და რუსეთზე პასუხისმგებლობის დაკისრების შესახებ.

“მათ განიხილეს მათი ერთობლივი ძალისხმევა უკრაინის ეკონომიკური და ფინანსური მდგრადობის გასაძლიერებლად და იმის უზრუნველსაყოფად, რომ მათ შეძლონ სასოფლო-სამეურნეო პროდუქციის ექსპორტი. მდივნის მოადგილემ ხაზი გაუსვა აშშ-ის მხარდაჭერას უკრაინის, მოლდოვას, საქართველოსა და დასავლეთ ბალკანეთის ქვეყნების ევროატლანტიკურ მისწრაფებას“,- აღნიშნულია სახელმწიფო დეპარტამენტის განცხადებაში.