უკრაინელი სამხედროების ინფორმაციით, კუნძულ „ზმეინის“ მიმართულებით დარტყმებს აგრძელებენ. ამის შესახებ ინფორმაცია მედიაში ვრცელდება.

„კარგი ამბავია. ჩვენმა სამხედროებმა „პანცირის“ სარაკეტო სისტემას დაარტყეს“, - განაცხადა ოდესის რეგიონული სამხედრო ადმინისტრაციის სპიკერმა, სერგეი ბრაჩუკმა.

როგორც ცნობილია, „პანცირის“ იარაღი არის საჰაერო თავდაცვის იარაღი, რომელიც რუსულმა ძალებმა კუნძულ „ზმეინიზე“ გადაიტანეს.

„რუსეთის დროებითი გარნიზონის სამხედრო სამიზნის განადგურების შესახებ არსებობს სამხედროებისგან დადასტურება“, - აღნიშნა ბრაჩუკმა.

ამასთან, უკრაინის თავდაცვის სამინისტროს დაზვერვის მთავარმა ხელმძღვანელობამ აღნიშნა, რომ „ოპერაცია კუნძულ „ზმეინის“ სრულ გათავისუფლებამდე გაგრძელდება“.

შეგახსენებთ, კუნძული „ზმეინი“ შავ ზღვაში მდებარეობს, რომელიც რუსეთის საზღვაო ძალების მიერ, ომის პირველივე დღიდან ოკუპირებულია.