არჩილ თალაკვაძე - რადიკალური ოპოზიციის წარმომადგენლები ქვეყნის ოპონენტები გახდნენ - განცხადებები, რომ სააკაშვილი დემოკრატიის შუქურაა და გვარამია თავისუფალი მედია, საზოგადოებისთვის თვალში ნაცრის შეყრაა

რადიკალური ოპოზიციის წარმომადგენლები საკუთარი ქვეყნის ოპონენტები გახდნენ, მაგრამ არავის გაუმარჯვია საკუთარი ქვეყნის ხარჯზე, არავის მოუგია საკუთარ ქვეყანასთან ასეთი უსინდისო ბრძოლა,- ამის შესახებ პარლამენტის ვიცე-სპიკერმა არჩილ თალაკვაძემ ჟურნალისტებთან განაცხადა.

მისი თქმით, ოპოზიციას არ სურს ქვეყანამ კანდიდატის სტატუსი მიიღოს და ეს საზოგადოებამაც დაინახა.

„არც ერთი ევროპარლამენტარის გამართლება არ სჭირდება იმას, რომ რადიკალური ოპოზიციის წარმომადგენლები ორი თვე არათუ ევროდერეფნებში დადიოდნენ და საკუთარ ქვეყანას ბლოკავდნენ კანდიდატის სტატუსის მინიჭებაზე, არამედ ეთერებში, მათ შორის, საერთაშორისო მედიების ეთერებში ისხდნენ და ამტკიცებდნენ, რომ საქართველო არ იმსახურებს სტატუსს. თქვენც ხომ იცით, როცა პარლამენტში როცა საკითხი დადგა უჭერს თუ სტატუსის მინიჭებას უპირობოდ მხარს, უარყოფითი დამოკიდებულება აჩვენეს, რომ ქვეყანამ არ უნდა მიიღოს სტატუსი, რა განცხადებები უშველის იმას, რაც საზოგადოებამ ნათლად დაინახა", - განაცხადა თალაკვაძემ.

ის გამოეხმაურა მიხეილ სააკაშვილისა და ნიკა გვარამიას პატიმრობის საკითხს და აღნიშნა, რომ ეს საკითხები ევროკავშირში, როგორც საქართველოსთვის სტრატეგიულ საკითხები, არ დგას.

"არც მიხეილ სააკაშვილია დემოკრატიის შუქურა და ადამიანის უფლებების გარანტი და არც ნიკა გვარამიაა თავისუფალი მედია. ევროკავშირში მიმდინარე დისკუსიებში ბოლო დღეებში საერთოდ არ მიიჩნევა ეს საკითხები საქართველოსთვის სტრატეგიულ საკითხებად, ერთადერთი ვინც ცდილობს მედიის ზედაპირზე ეს ამოიტანოს, არის "ნაციონალური მოძრაობა" და მიერ მიერ მართული მედია,"- განაცხადა თალაკვაძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია