დღეს ევროკავშირის სამიტი გაიხსნება, რომელზეც ორგანიზაციის წევრმა ქვეყნებმა უკრაინის, მოლდოვისა და საქართველოსთვის კანდიდატის სტასტუსის მინიჭებაზე უნდა იმსჯელონ.

როგორც CNN ევროკავშირის მაღალჩინოსანზე დაყრდნობით იუწყება, ორგანიზაციის წევრი ქვეყნების 27 ლიდერი მოსალოდნელია, რომ მხარს დაუჭერს უკრაინისა და მოლდოვისთვის კანდიდატის სტატუსის მინიჭებას.

ამასთან, CNN-ის წყარომ დასმულ კითხვაზე, როდის შეძლებს უკრაინა ევროკავშირის სრულფასოვან წევრობას, აღნიშნა, რომ ეს მხოლოდ უკრაინაზეა დამოკიდებული, რადგან მან უნდა მოახდინოს ადაპტაცია, რეფორმები, სიახლეების დანერგვა და არსებულ პირობებში გასაგებია, რომ ოფიციალური კიევის პრიორიტეტი ჯერ სხვა რამეა.

სამიტი ბრიუსელში 2 დღეს, 23 და 24 ივნისს გაგრძელდება.