გიული ალასანიას განცხადებით, ევროკავშირის წევრობის კანდიდატის სტატუსის მისაღებად სააკაშვილის და გვარამიას გათავისუფლებას ითხოვენ

საქართველოს ყოფილი პრეზიდენტის მიხეილ სააკაშვილის დედის გიული ალასანიას განცხადებით, ევროკავშირის წევრობის კანდიდატის სტატუსის მისაღებად მიხეილ სააკაშვილის და ნიკა გვარამიას გათავისუფლებას ითხოვენ.

როგორც ალასანიამ „ტვ პირველთან“ ბრიუსელიდან ჩართვის დროს განაცხადა, ყველა შეხვედრაზე განიხილებოდა მიხეილ სააკაშვილის და ნიკა გვარამიას საკითხი. მისი თქმით, საუბარი შეეხებოდა მიხეილ სააკაშვილის შესაფერის კლინიკაში გადაყვანას და მკურნალობას. ასევე „მთავარი არხის“ გენერალური დირექტორის ნიკა გვარამიას გათავისუფლებას.

„პირველად ეს გააჟღერა კლემენტ ბონმა, საფრანგეთის პრეზიდენტ მაკრონთან დაახლოებულმა პირმა, ის არის ევროპულ საქმეთა მინისტრი. ბრიუსელში ჩვენ ვესწრებოდით სხდომებს. დაგვასწრეს, როგორც საპატიო სტუმრები. გამოცხადდა, რომ სხდომას ვესწრებოდით მიხეილ სააკაშვილის დედა და ასევე შვილი, დარბაზი ტაშს უკრავდა.

ყველა შეხვედრაზე განიხილებოდა მიხეილ სააკაშვილის და ნიკა გვარამიას საკითხი. ლაპარაკი იყო ჩემი შვილის შესაფერის კლინიკაში გადაყვანასა და მკურნალობაზე და ნიკა გვარამიას გათავისუფლებაზე.

ჩვენი სურვილი იყო, რომ საბოლოო დასკვნაში ჩაწერილიყო, რომ ჩვენთვის მოეცათ პოტენციური კანდიდატის სტატუსი. ცალ-ცალკე შეხვედრებზე, ყველა ამბობდა, რომ ერთობლივად მიიღება ეს გადაწყვეტილება. ამბობდნენ, რომ დასკვნა საბოლოოდ რა ფორმას მიიღებს, არ ვიცით. დათქმები ყველა ვითარებაში უნდა შესრულდეს თუ ჩვენ გვაქვს სურვილი გავხდეთ ევროპული ოჯახის წევრები.

შთაბეჭდილება დამრჩა, თითქოს ისინი უფრო არიან მოწადინებულები, უფრო გულშემატკივრობენ ჩვენს ქვეყანას, ვიდრე ზოგიერთი ჩვენი მოქალაქე. ძალიან მოსწონთ ჩვენი ქვეყანა და უნდათ , რომ ჩვენი მომავალი იყოს კარგი. 1989 წლიდან ჩვენმა ქვეყანამ ძალიან დიდი მსხვერპლი გაიღო. უამრავი ადამიანი დაგვეღუპა ბრძოლაში. ნატო-ს ოპერაციები, სადაც აქტიურები ვიყავით, აქაც საკმაო მსხვერპლი გვქონდა. შემდეგ იყო ომი. ასევე ძალიან წარმატებული რეფორმები. გვახსოვს ჩვენი მინისტრები, როგორ უტარებდნენ რეფორმებს სხვა ქვეყნებს, მათი თხოვნით. ეს ყველაფერი ასე უკვალოდ ხომ არ ჩაივლის, იმედი გვაქვს, რომ დაფასდება“,- განაცხადა ალასანიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია