უკრაინის აღმოსავლეთში ვითარება კვლავ მძიმეა, შეიარაღებული ძალები იქ მანევრულ თავდაცვას ახორციელებენ, - ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.
მისი თქმით, მოწინააღმდეგეს საცეცხლე უპირატესობა აქვს, თუმცა უკრაინის შეიარაღებული ძალები მნიშვნელოვან ზარალს აყენებენ მათ.
„რაც შეეხება აღმოსავლეთს, ეს მართლაც ცხელი წერტილია, გრძელდება სასტიკი ბრძოლები. დღეს მტერს აქვს საცეცხლე უპირატესობა, მაგრამ შეიარაღებული ძალები, თავის მხრივ, ზარალს აყენებენ მოწინააღმდეგეს. შეიარაღებული ძალები ყველანაირად ცდილობენ, არ დაუშვან მტრის წინსვლა, ცდილობენ, მტერი უკუაქციონ. სიტუაცია რთულია, ამას არავინ მალავს. ახლა უკრაინის შეიარაღებული ძალები ახორციელებენ მანევრულ თავდაცვას,“- აღნიშნა ანა მალიარმა.
