ირლანდიის პრემიერი - ევროპული საბჭოს დღევანდელი შეხვედრა ძალიან მნიშვნელოვანია უკრაინისთვის, მოლდოვისა და საქართველოსთვის

ეს არის ევროპული საბჭოს ძალიან მნიშვნელოვანი სხდომა, ძალიან მნიშვნელოვანია უკრაინისთვის, ძალიან მნიშვნელოვანია მოლდოვისთვის და საქართველოსთვისაც, ევროპული პერსპექტივის თვალსაზრისით, - ამის შესახებ ირლანდიის პრემიერ-მინისტრმა მაიკლ მარტინმა განაცხადა.

მისი თქმით, ევროპული საბჭოს დღევანდელი შეხვედრა არის ისტორიული ევროკავშირის გაფართოების თვალსაზრისით.

„ჩვენ ირლანდიაში ვიცით, თუ რას ნიშნავს ევროკავშირი, ევროკავშირის წევრობა. ირლანდიის ევროკავშირში გაწევრიანების გადაწყვეტილება იყო ყველაზე გარდამტეხი გადაწყვეტილება და მოვლენა, რომელიც ირლანდიის თანამედროვე ისტორიაში მოხდა. ასე რომ, მე ყოველთვის ვერ ვხვდები იმას, რომ ჩვენ შეგვიძლია უარი ვთქვათ სხვა ქვეყნების გაწევრიანებაზე, რადგან ვიცით, რომ წევრობა თავად შესაძლოა, იყოს გარდამტეხი. ამან შესაძლოა ხელი შეუწყოს რეფორმებს, ეკონომიკურ განვითარებას,“- აღნიშნა ირლანდიის პრემიერ-მინისტრმა.

მისი თქმით, ფიქრობს, რომ დღეს ევროკავშირი გაუგზავნის სოლიდარობის გზავნილს უკრაინელ ხალხს, რომ ისინი ეკუთვნიან ევროპულ ოჯახს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს