თურქეთის საგარეო საქმეთა მინისტრის მევლუთ ჩავუშოღლუს განცხადებით, ანკარა გამოიძიებს უკრაინის განცხადებას იმასთან დაკავშირებით, რომ რუსეთი მათ მარცვლეულს იპარავს. ამასთან, თურქეთის პირველი დიპლომატის თქმით, ოფიციალური ანკარა არ დაუშვებს მსგავსი მარცვლეულის იმპორტს მის ქვეყანაში.

„ჩვენ სერიოზულად ვეკიდებით ნებისმიერ განცხადებას და მათ სერიოზულად ვიძიებთ. ჩვენ ყოველ ჯერზე ვაწვდით ინფორმაციას შედეგებზე, განსაკუთრებით უკრაინულ მხარეს“,- განაცხადა ჩავუშოღლუმ.

ცნობისთვის, ივნისის დასაწყისში უკრაინის ელჩმა თურქეთში განაცხადა, რომ თურქეთი იყო მათ შორის, ვინც იღებდა მარცვლეულს რუსეთისგან, რომელიც მოპარული იყო უკრაინისთვის.

ელჩის თქმით, მან მიმართა თხოვნით ოფიციალურ ანკარას, რომ გამოევლინა და დაესაჯა პირები, რომლებიც პასუხისმგებლები იყვნენ მარცვლეულის მიწოდებაზე.

რუსეთმა კი უარყო ინფორმაცია უკრაინისთვის მარცვლეულის მოპარვის შესახებ.