გერმანიის კანცლერმა, ოლაფ შოლცმა განაცხადა, რომ ევროკავშირი გაფართოებისთვის უნდა მოემზადოს.

„ჩვენ უნდა დავადგინოთ ის პირობები, რომლებიც უკრაინისთვის აუცილებელია, რათა თავისი პერსპექტიული გზა გააგრძელოს და ამავდროულად, უნდა გვესმოდეს, რომ გაფართოებისთვის მზად უნდა ვიყოთ", - განუცხადა შოლცმა ბრიუსელში ჟურნალისტებს.

ამასთან, შოლცმა აღნიშნა, რომ იმისათვის, რომ უფრო დიდმა გაერთიანებამ იმუშაოს, უმრავლესობით უფრო მეტი გადაწყვეტილება უნდა იყოს მიღებული, ვიდრე ერთპიროვნულად.